您的位置:主页 > H生活播 >【工厦食玩王】 观塘 骆驼漆大笪地 >

【工厦食玩王】 观塘 骆驼漆大笪地

2020-06-122020-06-12H生活播H生活播

有去开Outlet扫平货嘅朋友,相信对 观塘 骆驼漆大厦都唔陌生架啦!不过又知唔知道除咗Outlet外,呢度仲有好多正野等待大家去发掘呢?有食嘅、玩嘅、买嘅,入去Hea足大半日都得!

邻近地铁站 十分易去

骆驼漆大厦喺 观塘 开源道,搭地铁 观塘 站B出口行过去都只係五分钟,交通几方便!大厦分为三座,买嘅食嘅多数都集中喺第一座或者第三座,所以平时Lunch time同放工时间呢度都几旺下架!

【工厦食玩王】 观塘 骆驼漆大笪地

5楼品嚐雪糕杯子蛋糕

呢间ACO Cake,做开蛋糕订造同埋event到会,近一个月出咗款雪糕杯子蛋糕,一杯要$43,唔算平,特别之处係同师傅讲想要边款口味嘅雪糕,佢就会揸主意拣埋配边款口味嘅杯子蛋糕,Mix & Match概念几有惊喜。

【工厦食玩王】 观塘 骆驼漆大笪地
店内设计简单,有张枱仔,可以食埋先走。
【工厦食玩王】 观塘 骆驼漆大笪地
雪糕嘅水蜜桃味好浓,蛋糕甜度刚好 水蜜桃雪糕配朱古力杯子蛋糕 $43
【工厦食玩王】 观塘 骆驼漆大笪地
雪糕芝麻味浓,蛋糕嘅香蕉味几自然 芝麻雪糕配香蕉杯子蛋糕 $43
【工厦食玩王】 观塘 骆驼漆大笪地
雪糕嘅榴槤味唔算重,配香蕉蛋糕食係几夹 榴槤雪糕配香蕉杯子蛋糕 $43

 

【工厦食玩王】 观塘 骆驼漆大笪地

ACO Cake

地址:观塘开源道60号骆驼漆大厦第3座5楼A2室

营业时间:星期一至日12:00pm-07:00pm

联络电话:2386 6368

7楼开Party玩通顶

Party room愈开愈多,可能因为出面食餐饭又要限时、唱K又倾唔到计,成班朋友有时真係Book间房,叫下到会,打下机,吹下水好过。呢间Party room每间房都有电视、游戏机,玩3.5个钟,平均每人$80-110左右,最紧要係可以24小时任book(一定要预先倾定,唔好傻更更walk in呀),同Friend玩通顶都得!

【工厦食玩王】 观塘 骆驼漆大笪地
Kidult 以儿童乐园为主题,啱一家大细开Birthday Party。
【工厦食玩王】 观塘 骆驼漆大笪地
房内有多款唔同嘅服装拣,可以着住影相。
【工厦食玩王】 观塘 骆驼漆大笪地
Casino & Bar 比较啱成熟啲嘅朋友饮下野,倾下计。
【工厦食玩王】 观塘 骆驼漆大笪地
有大大张梳化,识叹就梗係打返舖街霸啦!
【工厦食玩王】 观塘 骆驼漆大笪地
Museum Party 嘅外貌唔算靓,但胜在只要问负责人,佢就会借支喷漆俾你喷下墙,过下Artist瘾。
【工厦食玩王】 观塘 骆驼漆大笪地
可以拣喷漆或者喷雪,记者试完觉得喷雪好玩啲,因为无咁大阵味。

【工厦食玩王】 观塘 骆驼漆大笪地

Partyland Plus

地址:观塘开源道62号骆驼漆大厦第1座7楼C室

联络电话:5931 8688

同场加玩 美少女战士市集!

今个星期六喺Partyland Plus会有个同美少女战士有关嘅市集!市集将会见到美少女战士中古玩具、同人作品,仲会有手作人摆摊档同工作坊玩。

【工厦食玩王】 观塘 骆驼漆大笪地
中古扭蛋公仔,可以戴落手指度玩,连埋蛋纸,依家比较难搵到。
【工厦食玩王】 观塘 骆驼漆大笪地
二次创作BB口水肩
【工厦食玩王】 观塘 骆驼漆大笪地
场内亦有印章工作坊,图为刻有Sailor moon 图案嘅手作印章。

 

Moon power 同人手作市集

举办日期:7月25日

时间:1pm-8pm

网页

1楼叹鲜牛蛋治

呢间Shy Dance Cafe点解要改个咁怕丑嘅名?原本S、h、y拆开,就係「新香园」三个字嘅英文拼音第一个字母,呢度嘅老闆伍文生Issac(无错,就係文生哥哥呀),佢就係新香园老闆坚哥嘅女婿,佢做嘅蛋牛治,都跟足岳父手艺,食落都有少少新香园坚记嘅味道喎!

【工厦食玩王】 观塘 骆驼漆大笪地

【工厦食玩王】 观塘 骆驼漆大笪地
蛋边好脆,牛肉有咬口,蛋浆加嚟充满沙嗲香嘅秘製酱汁令味道好丰富。 蛋牛治 $22
【工厦食玩王】 观塘 骆驼漆大笪地
蛋皮够薄,内有用茄膏、三色椒炒过嘅饭,蛋几滑,但饭比较乾。瑞士烟鸭胸蛋包饭 $45

【工厦食玩王】 观塘 骆驼漆大笪地

Shy Dance Cafe

地址:观塘开源道60号骆驼漆大厦第3座1楼I室

营业时间:星期一至五 08:00am-04:00pm;星期六、日 12:00-05:30

联络电话:6677 3547

8楼扫50蚊5包日式零食

去得工厦,点可以唔扫下货呢?呢间舖头有齐日式零食、饮品,仲有各地急冻海产,买野有分原价会员价,似足阿信屋!最令记者心郁郁就係有50蚊5包零食,款式胜在够多,有软糖、饼乾、薯片等,零食控肯定荷包大出血!

【工厦食玩王】 观塘 骆驼漆大笪地

【工厦食玩王】 观塘 骆驼漆大笪地
记者拣咗5包50蚊5包嘅特价零食试食!
【工厦食玩王】 观塘 骆驼漆大笪地
四层芝士脆脆 超脆,芝士味浓! 推介度:★★★★★
【工厦食玩王】 观塘 骆驼漆大笪地
咖哩味脆条 咖哩味一般,都算脆。 推介度:★★☆☆☆
【工厦食玩王】 观塘 骆驼漆大笪地
提子软糖外面有层衣,入面係充满提子味嘅软糖,雪冻食会更好食。推介度:★★★★☆
【工厦食玩王】 观塘 骆驼漆大笪地
牛油果芝士粟米片 无乜牛油果味,但好香芝士味同牛油味。 推介度:★★★☆☆
【工厦食玩王】 观塘 骆驼漆大笪地
明太子薯片 鹹鹹地,有少少鱼腥味,几得意。 推介度:★★★☆☆
【工厦食玩王】 观塘 骆驼漆大笪地
日本皇帝蟹1kg套件 会员价:$488 原价:$568

【工厦食玩王】 观塘 骆驼漆大笪地

青木町

地址:观塘开源道60号骆驼漆大厦第3座8楼M室

营业时间:星期一至五 11:30am-08:00pm;星期六、日 11:30am-07:00pm

联络电话:2304 0737

2楼逛复古文青专区

平货就扫完啦,我哋都会照顾埋锺意复古风、慢生活嘅朋友仔。呢间小店舖位细细,但就收藏咗店主去世界各地搜集返嚟嘅物品,包括皮袋、手錶、饰物、古着等,产地来自美国、西班牙、泰国、北非,价位由百令蚊至几百蚊不等,花多眼乱,就好都係慢慢行,慢慢拣。

【工厦食玩王】 观塘 骆驼漆大笪地

【工厦食玩王】 观塘 骆驼漆大笪地
美国陶瓷动物链咀(连链) $188
【工厦食玩王】 观塘 骆驼漆大笪地
万年曆颈链 $188
【工厦食玩王】 观塘 骆驼漆大笪地
北非突尼西亚羊皮背包 $880
【工厦食玩王】 观塘 骆驼漆大笪地
泰国手工牛仔手挽袋 $290

【工厦食玩王】 观塘 骆驼漆大笪地

GeoGuide

地址:观塘开源道60号骆驼漆大厦第3座2楼P室

营业时间:星期一至日12:00pm-07:00pm

联络电话:9478 5885

相关文章